ഓണത്തിനു കേരളത്തിലെത്തുന്ന പ്രവാസിയാണോ നിങ്ങൾ? അവധിക്കാലത്ത് യാത്ര പോകാൻ നിങ്ങൾ ഇഷ്ടപ്പെടുന്നുവോ? അങ്ങനെയെങ്കിൽ ഒരു അസുലഭാവസരം നിങ്ങളെ കാത്തിരിക്കുന്നു. ഐഡിബിഐ ബാങ്കിന്റെ ഓണസഞ്ചാരമെന്ന ക്യാംപെയിനാണ് ഇത്തരമൊരു അവസരം നിങ്ങൾക്കായി ഒരുക്കുന്നത്. ഇതിലൂടെ സംസ്ഥാനത്തിന്റെ ഏതുഭാഗത്തേക്കുമുള്ള യാത്ര സൗജന്യമായി ആസ്വദിക്കാം. അതിനായി നിങ്ങൾ ചെയ്യേണ്ടത് ഇത്രമാത്രം. പേര്, ഫോൺ നമ്പർ, പാസ്പോർട്ട് നമ്പർ തുടങ്ങിയ വിവരങ്ങൾ ഇവിടെ റജിസ്റ്റർ ചെയ്യുക. ലഭിക്കുന്ന എൻട്രികളിൽനിന്നു തിരഞ്ഞെടുക്കപ്പെടുന്ന 70 പേർക്കാണ് 5000 രൂപയുടെ ഈ യാത്രാ ആനുകൂല്യം ലഭിക്കുക. ഓൺലൈൻ റജിസ്ട്രേഷനു പുറമെ, കണ്ണൂർ കാപ്പിറ്റോൾ മാൾ, തൃശൂർ സെലക്സ് മാൾ, കോഴിക്കോട് ഹിലിറ്റ് മാൾ, കൊച്ചി ലുലു മാൾ, ഒബ്രോൺ മാൾ, കോട്ടയം മാൾ ഓഫ് ജോയി എന്നിവിടങ്ങളിലും കൊച്ചി, കോഴിക്കോട്, തിരുവനന്തപുരം രാജ്യാന്തര വിമാനത്താവളങ്ങളിലും റജിസ്ട്രേഷനു സൗകര്യമൊരുക്കിയിട്ടുണ്ട്. സെപ്റ്റംബർ 30 നു മുൻപായി നടത്തുന്ന യാത്രകൾക്കാണ് ആനുകൂല്യം ലഭിക്കുക. നിർദേശിക്കുന്ന മൂന്നു ദിവസങ്ങളിൽത്തന്നെ യാത്ര നടത്തേണ്ടതാണ്. നിശ്ചയിക്കപ്പെട്ടിരിക്കുന്ന തുകയ്ക്ക് ഈ ദിവസങ്ങളിൽ ഒന്നോ അതിലധികമോ യാത്രകൾ നടത്താം.